No Image
No Image

Sumqayıtda narkotik satan ana və qızı saxlanıldı - VİDEO

Sumqayıtda narkotik satan ana və qızı saxlanıldı - VİDEO
Sumqayıt Şəhər Polis İdarəsinin (ŞPİ) əməkdaşları tərəfindən narkotik vasitə və psixotrop maddələrin qanunsuz dövriyyəsi ilə məşğul olan şəxslərin aşkar edilərək məsuliyyətə cəlb edilmələri istiqamətində şəhər ərazisində silsilə əməliyyatlar həyata keçirilib.

Bu barədə Sfera.az-a Daxili İşlər Nazirliyinin (DİN) Mətbuat xidmətindən məlumat verilib.

Nəticədə külli miqdarda, yəni, 2 kiloqram 400 qrama yaxın yüksək təsiredici xassəyə malik narkotik vasitələr və 149 ədəd psixotrop tərkibli dərmanlar qanunsuz dövriyyədən çıxarılıb.

Belə ki, Polis İdarəsinə şəhər ərazisində "Qəmər” və "Sədat” adlı şəxslərin narkotik vasitələrin satışı ilə məşğul olduğu barədə əməliyyat məlumatları daxil olub. Həyata keçirilən təxirəsalınmaz əməliyyat nəticəsində onların əvvəllər dəfələrlə narkotik vasitələrin qanunusuz dövriyyəsi ilə məşğul olduqlarına görə məhkum edilmiş Sumqayıt şəhər sakinləri - Qəmər Cəfərova və qızı Sədat Cəfərova olduqları müəyyən edilib.

Polislər tərəfindən saxlanılan zaman Q.Cəfərovanın üzərindən 11 qram satmaq üçün nəzərdə tutulan heroin və psixotrop maddə metamfetamin aşkar olunaraq götürülüb.

O, ifadəsində narkotik vasitələrin bir hissəsinin isə qızı S.Cəfərovanın evində olduğunu bildirib.

Sumqayıt ŞPİ-nin əməkdaşları tərəfindən əməliyyat tədbirlərinin davamı olaraq S.Cəfərovanın saxlanılması istiqamətində onun yaşadığı ünvana gedilib. Məsuliyyətdən yayınmaq istəyən S.Cəfərova 18 yaşlı qızını öz çirkin əməllərinə alət edərək evində olan külli miqdarda narkotik vasitələri ona verib təcili yaşadıqları evi tərk etməsini istəyib. Bu zaman o, polislər tərəfindən binanın çıxış qapısında saxlanılıb və əlindəki bağlamaya baxış zamanı anasının gizlətmək üçün verdiyi ümumi çəkisi 1 kiloqram 700 qram narkotik vasitə, o cümlədən, 817 qram heroin, 703 qram metamfetamin, 60 qram marixuana, 90 qram tiryək və 141 ədəd satışı qadağan edilən metadon həbləri aşkar olunaraq götürülüb.

"Qeyd edək ki, ailə üzvlərinin evlərindən və üzərlərindən aşkar olunan narkotik vasitələr hazır bükümlər şəklində olub. Bu isə onu deməyə əsas verir ki, Qəmər Cəfərova və qızı Sədat saxlanılan günə qədər narkotik vasitələrin satışı ilə məşğul olublar.

Bundan başqa, Sumqayıt ŞPİ-nin əməkdaşları tərəfindən Qəmər və Sədat Cəfərovalara məxsus narkotik vasitələrin şəhər ərazisinin müxtəlif yerlərində satışını həyata keçirən şəxs də saxlanılıb. Əməliyyat zamanı qeyd edilən cinayəti törətməkdə şübhəli bilinən şəhər sakini, əvvəllər məhkum olunmuş Orxan Sultanov tutulub. Onun üzərindən ümumilikdə 30 qrama yaxın heroin aşkar olunaraq götürülüb.

İlkin dindirmə zamanı o, narkotik vasitələri Sədat Cəfərovadan satmaq məqsədi ilə aldığını bildirib.

Sumqayıt ŞPİ-nin əməkdaşlarının həyata keçirdikləri növbəti əməliyyat nəticəsində narkotik vasitələrin satışı ilə məşğul olmaqda şübhəli bilinən daha bir nəfər şəhər sakini Rəşad İbrahimli də saxlanılıb.

Onun üzərinə baxış zamanı ümumilikdə 628 qram heroin və metamfetamin, eləcə də, 8 ədəd metadon həbi aşkar edilib. Rəşad İbrahimli ifadəsində şəxsiyyəti hələlik istintaqa məlum olmayan xarici ölkələrdən birinin vətəndaşının göstərişi ilə külli miqdarda yüksək təsiredici xassəyə malik narkotik vasitələri ayrı-ayrı şəxslərə satmaq məqsədi ilə Sumqayıt şəhəri ərazisinə gətirdiyini bildirib.

Faktlarla bağlı Sumqayıt ŞPİ-nin İstintaq Şöbəsində Cinayət Məcəlləsinin müvafiq maddələri ilə cinayət işləri başlanılıb. Aşkar edilən narkotik maddələrin mənbəyinin müəyyən edilməsi istiqamətində əməliyyat-istintaq tədbirləri davam etdirilir", - Mətbuat xidmətindən bildirilib.


Sehliyali
Turan Bank

OXŞAR XƏBƏRLƏR

"Davam" Turizm klubu "Tour&Info" layihəsinə start verdi - FOTOLAR

Davamlı İnkişaf Mərkəzinin nəzdində fəaliyyət göstərən "Davam" Turizm klubu tərəfindən "Tour&Info” adlı layihəyə start verilib. Layihə çərçivəsində ilk tur ...

Vətən müharibəsi şəhidlərinin xatirəsi əbədiləşdirilib - FOTO

İsmayıllı rayonunda "Vətən müharibəsi şəhidləri” adlı kitabın təqdimat mərasimi keçirilib. Sfera.az-ın məlumatına görə, tədbirdə Rayon İcra Hakimiyyətini...

Azərbaycanda mühafizəçi peşəsi üzrə hazırlıq kursu başlayır – ŞƏRTLƏR

Dövlət Məşğulluq Agentliyi (DMA) ilə "GESCO” ASC arasında əməkdaşlıq çərçivəsində "mühafizəçi” kursu təşkil olunacaq.   Sfera.az xəbər verir ki, bu haqd...

Toylarda sərinkeşlərdən istifadə qadağan edildi

Şənlik mərasimləri zamanı ictimai iaşə müəssisələrində kondisioner və havalandırma sistemlərinin texniki baxışının vaxtında həyata keçirilməsi təmin olunmalıdır...

İsti hava məhsuldarlığa necə təsir edəcək? - "Hər şey fermerlərdən asılıdır..."

Xəbər verdiyimiz kimi qarşıdakı günlərdə ölkə ərazisində anomal istilərin olacağı bildirilir. Belə ki, bir neçə gün ərzində bəzi rayonlarda tempratur 44 dərəcəy...

Fulya Öztürk azərbaycanlı oğlanla ailə quracaq? — Özü açıqladı

Türkiyənin "CNN-Türk" kanalının hərbi müxbiri Fulya Öztürk Teleqraf.com-a özəl müsahibə verib. Fulya Öztürk Azərbaycanda Tahir Tahiroviçin rejissorluğu ilə ...