No Image
No Image

Bu tələbələr dövlət imtahanından AZAD OLUNDU - RƏSMİ

Bu tələbələr dövlət imtahanından AZAD OLUNDU - RƏSMİ
Təhsil Nazirliyi tələbələrin yekun dövlət attestasiyası qaydalarını açıqlayıb.

Nazirlikdən Sfera.az-ın sorğusuna cavab olaraq bildirilib ki, ötən ildən başlayaraq Nazirlər Kabinetinin müvafiq qərarlarına əsasən, ali və orta ixtisas təhsili müəssisələrində tədris və təlim-tərbiyə prosesi distant (məsafədən) formada təşkil edilib.

Qeyd olunub ki, cari tədris ilinin payız semestrinin imtahan sessiyası onlayn şəkildə keçirilib. Hazırda xüsusi karantin rejimi davam etdiyinə görə Təhsil Nazirliyinin təklifinə əsasən, Nazirlər Kabinetinin müvafiq qərarına uyğun olaraq ötən tədris ilində olduğu kimi, bu tədris ilində də orta ixtisas təhsili pilləsində (bütün ixtisaslar üzrə) və ali təhsil pilləsinin bakalavriat səviyyəsində (xüsusi qabiliyyət tələb edən ixtisaslar və əsas (baza ali) tibb təhsili ixtisasları istisna olmaqla digər bütün ixtisaslar üzrə) tələbələrin yekun dövlət attestasiyası üzrə biliyinin qiymətləndirilməsinin təhsil müddətində əldə etdikləri nəticələr (ÜOMG) əsasında aparılması məqsədəmüvafiq hesab edilib.

NK-nın müvafiq qərarına əsasən, orta ixtisas təhsili pilləsində bütün ixtisaslar üzrə, bakalavriat səviyyəsində isə xüsusi qabiliyyət tələb edən ixtisaslar və əsas (baza ali) tibb təhsili ixtisasları istisna olmaqla digər bütün ixtisaslar üzrə tədris planının bütün şərtlərini yerinə yetirmiş tələbələr təhsil müddətində əldə etdikləri nəticələrə (ÜOMG) uyğun olaraq dövlət attestasiyasından keçmiş hesab olunurlar. Bakalavriat səviyyəsinin xüsusi qabiliyyət tələb edən ixtisaslar və əsas (baza ali) tibb təhsili ixtisasları üzrə yekun dövlət attestasiyası, eləcə də magistratura səviyyəsində də bütün ixtisaslar üzrə yekun attestasiya məcburidir.

Magistratura səviyyəsində tədris planının bütün şərtlərini yerinə yetirmiş tələbələr yekun attestasiyaya buraxılırlar. Magistrlik dissertasiyasının məzmununa, yazılmasına, təqdim edilməsinə və müdafiəsinə qoyulan tələblər ali təhsil müəssisəsinin Elmi Şurası və AMEA tərəfindən Təhsil Nazirliyi ilə razılaşdırılmaqla müəyyənləşdirilir.

Orta ixtisas təhsili pilləsində və ali təhsilin bakalavriat səviyyəsində təhsil müddətində əldə etdikləri nəticələrə (ÜOMG-yə) uyğun olaraq yekun attestasiyanın qərarı ilə razılaşmayan tələbə üçün dövlət attestasiya sınaqları təşkil ediləcək.

Orta ixtisas təhsili müəssisələri və ali təhsil müəssisələrinin bakalavriat və magistratura səviyyələrində imtahan sessiyalarının təşkili, tələbələrin biliyinin cari və aralıq qiymətləndirilməsi qaydaları təhsil müəssisələri və AMEA (magistratura səviyyəsi üçün) tərəfindən müəyyən edilir.

Sehliyali
Turan Bank

OXŞAR XƏBƏRLƏR

"Təkrar imtahan imkanı yaradılacaq" - Təhsil Nazirliyindən MİQ imtahanları ilə bağlı tənqidlərə RƏSMİ CAVAB

Təhsil Nazirliyi MİQ imtahanlarında iştirak edən namizədlərin narazılığı ilə bağlı daha bir məlumat yayıb. Sfera.az xəbər verir ki, məlumatda bildirilir k...

Köhnə iqtisadi rayonlarla bağlı suallar qəbul imtahanlarından ÇIXARILDI

Dövlət İmtahan Mərkəzi qəbul imtahanlarında iştirak edəcək abituriyentlərə müraciət edib. DİM-dən Sfera.az-a bildirilib ki, iqtisadi rayonların yeni bölgü...

Qəbul imtahanları bu tarixlərdə KEÇİRİLƏCƏK

Dövlət İmtahan Mərkəzi (DİM) iyulun 14 və 15-də keçiriləcək qəbul imtahanlarında iştirak edəcək abituriyentlərə müraciət edib. Mərkəzdən Sfera.az-a bildir...

Təhsil Tələbə Krediti Fondu yaradılır - FƏRMAN

Əhalinin aztəminatlı təbəqələrindən olan şəxslərin təhsilə əlçatanlığını təmin etmək, təhsil almaqda bərabər imkanlar yaratmaq və təhsilin əhatə dairəsini geniş...

Bu il məktəblərdə “Son zəng” keçiriləcək - RƏSMİ

"Bu il məktəblərdə "Son zəng” tədbirləri məktəblərdə təşkil olunacaq". Sfera.az xəbər verir ki, bunu Təhsil naziri Emin Əmrullayev deyib. Onun sözlə...

Bu tələbələr dövlət imtahanından AZAD OLUNDU - RƏSMİ

Təhsil Nazirliyi tələbələrin yekun dövlət attestasiyası qaydalarını açıqlayıb. Nazirlikdən Sfera.az-ın sorğusuna cavab olaraq bildirilib ki, ötən ild...